Алматы тұрғыны кинотеатрға барғанда, Ashyq қосымшасында қызыл мәртебесі бар екені анықталды, бұл үй карантинін сақтау қажеттігін көрсетеді.
Бұл туралы Алматы қаласының санитарлық-эпидемиологиялық бақылау департаменті хабарлады.
«Алматы қаласының тұрғыны COVID-19-ға ПТР-тестінің оң нәтижесі бола тұра 14 күндік үй карантинін бұзып, Алматы кинотеатрларының біріне баруға шешім қабылдады. Бірақ, қала тұрғыны билет кассаларына жете алмады: қызметкерлер кіруге тыйым салды, себебі кинотеатрдың QR-кодын сканерлеген кезде тұрғынның өз смартфонында «қызыл мәртебе» пайда болды», — делінген хабарламада.
Үйде оқшаулау талаптарын бұзғаны үшін әйелге қатысты ҚР ӘҚБтК 425-бабы — «Халықтың санитариялық-эпидемиологиялық саламаттылығы саласындағы заңнама талаптарын, сондай-ақ гигиеналық нормативтердi бұзу» бойынша әкімшілік іс қозғалды.
«Осы баптың санкциясы 30 АЕК айыппұлды көздейді. Оң ПТР-тесті бар және олармен байланыста болған Алматы қаласының тұрғындарын 14 күндік үй карантинін сақтауға шақырамыз», — деп толықтырды департаменттегілер.