Қазақстанның премьер-министрі Асқар Мамин әкімдер мен министрлерге азық-түлік тауарлары бағасының өсуіне жол бермеу үшін қатаң бақылауды қамтамасыз етуді тапсырды. Үкімет отырысында елімізде қабылданған шаралар әлеуметтік маңызы бар тауарлар бағасының өсуін 4,4% деңгейінде тұрақтандыруға мүмкіндік бергенін, бұл өткен жылғы көрсеткіштерден екі есе төмен екенін атап өтті.
«Барлық әкімдіктерге белсенді жұмысты жалғастырып, бағаны тұрақтандыру бойынша шаралар қабылдау қажет, оның үстіне тәжірибе көрсеткендей, тиімді құралдар бар. Әкімдіктердің уақтылы ескерту шараларын қабылдауы бағаны тұрақтандыру мен тежеуді қамтамасыз етуге мүмкіндік береді. Біз импорттың қысқаруын төмендету бойынша мақсатты түрде жұмыс істеп жатырмыз. Бағаның өсуіне себеп жоқ. Әлеуметтік маңызы бар тауарлардың барлық түрлері бойынша баға тұрақтылығын қатаң бақылау қамтамасыз етіледі», — деді ол.
Осыған байланысты Үкімет басшысы:
Ауыл шаруашылығы министрлігіне — әкімдіктермен бірлесіп, сыртқы ахуалдың мониторингін және азық-түлік қорларының жеткіліктілігін және әлеуметтік маңызы бар тауарлар бағасының тұрақтылығын жалғастыруды; барлық өңірлерде «қайтарымды схемасы» арқылы сауда желілеріне жеңілдікті қарыздар тетіктерін енгізуге, сондай-ақ форвардтық сатып алу практикасын енгізуге;
• әкімдіктерге — азық-түлік қауіпсіздігін қамтамасыз ету үшін импортқа тәуелді тауарлар (қант, жеміс-көкөніс өнімдері) өндірісін арттыру жөніндегі жобаларды басым тәртіппен іске асыруды қамтамасыз ету.
Асқар Мамин Ауыл шаруашылығы министрлігі мен өңір әкімдерінің назарын ішкі өндіріспен қамтамасыз етілген өнімдерге, әсіресе картоп, ұн, сәбіз және қарақұмық жармасына бағаның өсуіне жол бермеуге аударды.
«Олардың көлемі елдің барлық қажеттіліктерін толық қамтамасыз ету үшін жеткілікті мөлшерде өсіріледі. Әкімдерге осы мәселелердің барлығын ерекше бақылауда ұстау қажет», — деп баса айтты ол.
Ауыл шаруашылығы министрі Сапархан Омаров Үкіметтің азық-түлік тауарларының 16 түрі бойынша резервін қалыптастыру туралы хабарлады.
«16,7 млрд теңге бөлінді, бұл 43,5 мың тонна азық-түлік сатып алуға мүмкіндік берді», — деп атап өтті ол.
АШМ басшысының айтуынша, қазіргі таңда Қазақстанда 619,2 мың тонна әлеуметтік маңызы бар азық-түлік және 318,6 млн дана жұмыртқа қоры бар.
«Жыл басынан бері тұрақтандыру қорларынан 38,3 мың тонна әлеуметтік маңызды азық-түлік тауарлары сатылды», — деп хабарлады Сапархан Омаров.
Тұрақтандыру қорларына 38,2 мың тонна азық-түлік сатып алынды, оның ішінде:
• ұн — 21,2 мың тонна;
• қант — 6,5 мың тонна;
• картоп — 3,1 мың тонна;
• макарон — 2 мың тонна;
• күріш — 1,7 мың тонна;
• қарақұмық жармасы — 0,7 мың тонна және азық-түліктің басқа да түрлері.
Қазіргі уақытта тұрақтандыру қорларында 27,7 мың тонна әлеуметтік маңызы бар азық-түлік тауарлары сақтаулы. Ауыл шаруашылығы министрі атап өткендей, әлеуметтік маңызды тауарлардың 21 мың тоннасын жеткізу үшін форвардтық шарттар жасалды.
ҚР Сауда және интеграция министрі Бақыт Сұлтанов өз кезегінде әлеуметтік маңызы бар азық-түлік тауарларына бағаның өсуі тұрақтанып, жыл соңына дейін 6% -дан аспайтынын атап өтті. Оның айтуынша, бұл бағалау барлық қолданыстағы факторларды және бағаны тұрақтандыру бойынша мемлекет қабылдайтын шараларды ескере отырып жүргізіледі.
«Министрлік стационарлық емес сауда нарықтарын жаңғырту және сауда жабдықтарын сатып алу үшін ұзақ мерзімді қаржыландыруға қолжетімділікті қамтамасыз ету, электрондық сауданы дамыту бойынша шаралар кешенін әзірлеу бойынша жұмыстар жүргізуде. Ұлттық тауар өткізу жүйесін құру бойынша жұмыстар жүргізілуде», — деп хабарлады Бақыт Сұлтанов.
Ол сондай-ақ әкімдіктер мен министрліктің аумақтық бөлімшелерінің азық-түлік бағасына мониторинг жүргізу жөніндегі жұмысын атап өтті. Ведомствоның мәліметінше, 49,4 млн теңгенің 180 хаттамасы жасалды, оның ішінде Алматы қаласы бойынша 46,9 млн теңгенің 171 хаттамасы жасалды.
