Қазақстандықтар төрт қаржы пирамидасының құрбаны болды. Бұл туралы ІІМ Тергеу департаменті тағы да хабарлады.
Полицейлер Қазақстан мен басқа да елдердің кейбір азаматтарының 2016-2017 жылдары елімізде «Questra Holding Ins», «Questra World», «Atlantic Global Asset Management», «Five Winds Asset Managent» деп аталатын қаржы пирамидасын құру фактісі бойынша заңға қайшы әрекеттер жасағанын тергеп жатыр.
Интернет желілерінде пирамида басшылары инвестициялық портфельдердің жалған түрлерін сататын веб-сайттар құрған. Портфель мерзімі аяқталған кезде алаяқтар 300%-ға дейін пайда табуға уәде берген.
Елдегі алаяқтық әрекеттерден мыңдаған қазақстандық зардап шегіп, залал сомасы бір миллиард теңгеден асты. Тамыз айында Ресей азаматы Ольга Клейнард қаржы пирамидасы жетекшілерінің бірі Беларусьтен экстрадицияланып, сотқа дейінгі тергеу қайта басталды. Осыған байланысты, тергеу органы «Questra Holding Ins», «Questra World», «Atlantic Global Asset Management», «Five Winds Asset Managent» компаниялар тобының алаяқтық әрекетінен зардап шеккендердің барлығын ІІМ-ге (Нұр-Сұлтан т. Тәуелсіздік, 1) тұрғылықты жері бойынша полиция департаменттері. Ішкі істер министрлігі азаматтарды қырағы болуға және жеңіл және тез табыс туралы уәделерге сенбеуге және осындай барлық жағдайлар туралы полиция органдарына дереу хабарлауға шақырады.