Мысырда археологтар құмның астынан 3 мың жыл бұрынғы қаланы тапты. Ежелгі Мысыр тағы да тарихшылар мен журналистердің назарында.
Алпыс бірінші ғылыми экспедицияның археологтары үлкен қала тапты
Кейбір ғалымдар табылған жәдігердің басты құндылығы — туристерді пирамидалар еліне қайтару мүмкіндігі деп санаса да, археологтар құм астында қалған «Алтын қаланың» табылуы — соңғы онжылдықтар ішіндегі ең ірі оқиғасы дегенге сенімді.
Ондаған халықаралық экспедициялар болған жерден үлкен қала табылды. Археологтар Тутанхамон жерлеу ғибадатханасын іздеген, оның әйгілі саркофагы көп жылдар бойы Ежелгі Мысырдың өзіндік символына айналды, алайда олар әлдеқайда құнды жәдігерді тапты.
Үш мың жылға бағаланған қаланың көшелерінде қабырғаларының биіктігі үш метрге жететін үйлер, көне керамика үлгілері, сондай-ақ адам сүйектері мен жануарлардың сүйектері табылды.
Әлемнің түкпір-түкпірінен келген мысыртанушы-мамандар жоғалған «Алтын қаланы» зерттеу ежелгі Мысыр өркениетінің көптеген құпиялары мен жұмбағын ашуға мүмкіндік береді дейді.