Қазақстанның солтүстігінде, Солтүстік Қазақстан облысында тоқсаныншы жылдардың ортасынан бері қараусыз қалған суару каналын қалпына келтіру процесі басталды. Кеңес дәуірінде салынған канал Қазақстан тәуелсіздік алғаннан кейін 1995 жылдан бері қолданылмаған.
Шалақты ауданының әкімі Рахат Смағұлов брифингте дайындық жұмыстары басталғанын, ал каналды қалпына келтіру бойынша жол картасы бекітілгенін хабарлады.
Аталған суару каналы облыстың төрт ауданын, Үлкен және Кіші Таранғұл секілді су айдындарын қамтиды. Аталған каналды қайта қалпына келтіру жемшөп өндірісін жандандыруға, өңірдегі картоп және көкөніс шаруашылығын қолға алуға мүмкіндік береді.
Әкім егін алқаптарын қосымша суару қажет болған жағдайда, әсіресе жазда құрғақшылық болғанда суару жүйесі пайдалы болатынын атап өтті. Өңірде су үнемдеу технологияларын қолдану белсенді дамып келеді, бұл суармалы жерлердің көлемін ұлғайтуға ықпал етеді.
Биыл 400 гектар алқапты жаңбырлатып суарудың алғашқы жүйесі пайдалануға берілді, ал суармалы жерлердің аумағы жалпы алғанда бес жаңа инвестициялық жобаның арқасында ұлғайды. Солтүстік Қазақстан облысында суармалы жердің көлемі былтырмен салыстырғанда 5 мың гектарға жетті, ол 3 мың гектар болған.