Қара теңізде құрғақ жүк таситын кеме батып кетті, оның бортында Украинаның 13 азаматы болған. Олардың 10-ы құтқарылды, екеуі қаза тапты, біреуі із-түссіз кетті.
Қайғылы оқиға Румынияның Констанц портынан 70 миль қашықтықта болған.
«Волго-Балт 179» құрғақ жүк таситын кемесі Ресей Федерациясының туы астында жүрді.
Кеме жергілікті уақыт бойынша таңғы сағат 04:40-та апаттық дабыл белгісін берген. Осыдан кейін GSP Falcon теплоходы көмекке шықты. Оқиға аймағында қолайсыз ауа райы болған — қатты жел және толқындардың биіктігі төрт метрге дейін жетті.
Алайда, Росморречфлот РБК-ға кеме ресейлік емес екенін, ол Комор аралдарының туы астында жүргенін айтты. Ведомство экипаждың ұлты туралы деректерін тексеріп жатыр және кеме иесі кім екенін анықтайды.
РБК өзінің Telegram-арнасында «Волго-Балт 179» Дондағы Ростов портынан шығып Констанцаға бет алған. Ресей портынан ол 6 наурызда шықты.