Қарағанды облысы полиция департаментінің басшысы Ерлан Файзулин Фейсбук аккаунтын ашты. Ведомствоның баспасөз қызметі бұл полицияның халықпен тиімді қарым-қатынасы үшін қажет екенін түсіндірді.
Енді әр адам өз пікірлерін қалдырып, сұрақтар қоя алады, тілек білдіріп, оған жауап ала алады. Облыс тұрғындары облыстың бас полицейімен тікелей қарым-қатынас жасауға мүмкіндігіне ие болды.
Facebook парақшасындағы ашық профиль азаматтардың мәселелерін жедел шешетін алаңға айналады, сондай-ақ, қоғамның полиция қызметкерлеріне деген сенімін арттырады. Қазіргі уақытта Қарағанды облысы полиция департаментінің Instagram, Одноклассники, ВКонтакте, Facebook-те парақшалары, сондай-ақ ашық электрондық поштасы бар.
