30 маусым күні сағат 15:45-те Қарағанды облысында Балқаш — Сарышаған тас жолында ерлі-зайыпты жол апатына ұшырады.
Хабарламада айтылғандай, DAF ауыр жүк көлігі Қарағанды облысындағы жолдан шығып кетіп, аударылды.
«DAF FT XF-105 ауыр жүк көлігінің 61 жастағы жүргізушісі Балқаш жағынан келе жатып, Сарышаған ауылына 50 шақырым қалғанда, рөлге ие бола алмай, аударылып кеткен», — деп хабарлады Қарағанды облысы ПД баспасөз қызметі.
Ведомствоның мәліметінше, ЖКО салдарынан жүргізуші мен 57 жастағы жолаушы (жүргізушінің әйелі) оқиға орнында қайтыс болған.
«Аталған факт полицияға тіркелді, тиісті сараптамалар тағайындалды, оның қорытындысы бойынша процессуалдық шешім қабылданады», — деп хабарлады Қарағанды облысы ПД баспасөз қызметі.