Қарағанды әкімі Мейрам Қожухов қала тұрғындарына алдағы күндері қатты аяз болатынын ескертті. Instagram-да жариялаған үндеуінде Қожухов 4-5 күн бойы төмпература айтарлықтай төмендеп, су құбырлары қатып қалуы мүмкін екенін атап өтті. Әкім барлық коммуналдық қызметтердің, әсіресе жылу көздерінің, сумен жабдықтаудың, су бұрудың және электр энергиясының жұмысын ерекше бақылауда ұстап отырғанын атап өтті. Ауа температурасының күрт төмендеуі коммуналдық жүйелерге ғана емес, тұрғындар үшін де қауіп төндіреді, сондықтан әкім қала тұрғындарына сақтық шараларын сақтауға шақырады.
«Жеке сектор тұрғындарына, балабақшалар мен басқа да ұйымдардың директорларына өтінішім бар. Қақаған аязда, әсіресе түнде сантехниканың, тіпті кәріздің қатып қалу қаупі бар. Су құбырының қатып қалуына жол бермеу үшін су құбырларындағы ағынды және тұрақты айналымды сақтап қалу үшін суық су шүмектерін аязда сәл ашық қалдыруды ұсынамын. Осылайша су құбырлары мен кәріз құбырларының қатып қалуынан сақтанасыздар», — деді әкім қала тұрғындарына.