Бүгін, 2022 жылғы 23 маусымда Қарағандыда көмір қоймасы қызыл жалынға оранды.
Облыстық төтенше жағдайлар департаментінің мәліметінше, қаза тапқандар мен зардап шеккендер жоқ.
Қарағанды облысы ТЖД-ның хабарлауынша, 23 маусым күні сағат 06:43-те Қарағанды қаласы, Л.Чайкина көшесінде өрт шыққаны туралы хабарлама келіп түсті.
«Тұрғын үйдің ауласында 6 шаруашылық ғимаратының ағаш конструкциялары, 10 погон метр ағаш қоршау мен жалпы алаңы 220 шаршы метрді құрайтын көмір жанды, одан кейін бүкіл аумақта төбенің құлауы орын алды», — деп хабарлады Қарағанды облысы ТЖД баспасөз қызметі.
Ведомство хабарлағандай, өрт сағат 07:45-те сөндірілді.
Қаза болғандар мен зардап шеккендер жоқ. Өртті сөндіруге 27 адам мен 6 бірлік техникасы жұмылдырылды.
