Қарағанды көшелеріндегі көліктердің бірінен полицейлер сөмкені тәркілеп, онда құны 11 млн теңгенің есірткі болған . Есірткі заңмен белгіленген тәртіпте алынды.
Қарағанды облысының аумағында «Құқықтық тәртіп» республикалық жедел алдын алу іс-шарасы өтуде.
25 тамыз күні сағат 23:30 шамасында взвод командирі Серікбол Тарашовтың, инспекторлар Нұрбол Қалижан мен Абай Бикеновтың құрамындағы автопатруль ВАЗ-21013 көлігін тоқтатты. Жүргізуші қатты қобалжып тұрды, оған полицейлер назары түсті.
Көлік салонының артқы орындығынан қызметкерлер торлы сөмкені тапты. Онда екі полиэтилен пакетке құйылған, салмағы 23 кг ерекше иісі бар жасыл түсті ұнтақ тәрізді зат болған. Оқиға орнына Михайлов полиция бөлімінің жедел-тергеу тобы шақырылды. Сараптама қорытындысы бойынша зат гашиш болып табылады, — деді Қарағанды қаласы КБ бастығы Думан Қожахметов.
Алып қойылған есірткі шамамен құны қара нарықта 11 миллион теңгеден астам болады. ҚР ҚК-нің 296-бабы бойынша қылмыстық іс қозғалды. Тергеу жұмыстары жүргізілуде, — делінген ҚР ІІМ баспасөз қызметінің хабарламасында.
