Анкарада Ұлы Отан соғысы кезінде фашистермен ерлікпен шайқасқан Кеңес Одағының батыры туралы кітап жарық көрді.
Қазақстанның Түркиядағы елшілігінің ұйымдастыруымен Кеңес Одағы Батырының 111 жылдығына арналған түрік ғалымы Ашур Өздемірдің «Түркістанның от баласы Бауыржан Момышұлы» атты кітабының тұсаукесері өтті. Іс-шараға түрік зиялы қауым өкілдері, қазақ және түрік студенттер және БАҚ өкілдері қатысты.
Жиында сөз сөйлеген Қазақстанның Түркиядағы Елшісі Абзал Сапарбекұлы биыл Қазақстан Тәуелсіздігінің 30 жылдық мерейтойы екенін және бүгінгі іс-шараның да тәуелсіздік мерейтойына және қазақтың біртуар батыры әрі жазушысы Бауыржан Момышұлының рухына тағзым және мерейтойына тарту екенін атап өтті.
А.Сапарбекұлы мұндай іс-шаралардың мәдениет пен әдебиетті дамытуда ерекше орын алатынын және екі ел арасындағы бауырластықты одан әрі дамытатынын айтты.
Б.Момышұлының батырлығы мен шебер қолбасшылығы туралы айта келе, Қазақстанның Түркиядағы Елшісі Абзал Сапарбекұлы Момышұлы Кеңес одағы азаматы және Қызыл армия қолбасшысы және өз халқының бел баласы екенін атап өтті.
Кітаптың авторы белгілі ғалым, түрік тілі мен әдебиетінің оқытушысы және аудармашы А.Өздемір Түркістанның жүрегі болып табылатын Қазақстан мемлекетінің тарихына, оның мәдениеті мен әдебиетіне тоқталып өтіп. Б. Момышұлының кім болғаны, оның өмірі, соғыс кезіндегі бастан кешірген оқиғалары мен соғыстан кейінгі жазушы ретіндегі өмірі туралы кеңінен баяндады.
Ашур Өздемірдің «Түркістанның от баласы Бауыржан Момышұлы» атты кітап үш бөлімнен және соңғы сөзден тұрады. Бірінші бөлімде Бауыржан Момышұлының отбасы, балалық шағы, мектеп шағы мен әскерлік өмірі, әскер соңындағы өмірі, бойындағы адами қасиеттері туралы баяндалады. Екінші бөлімде Б. Момышұлының түйген ой-пікірлері, қазақ әдебиеті туралы көзқарастары және әдеби аудармалар мен тілге және қазақ тарихына, отансүйгіштік және ұлтжандылық, ана мен отбасы туралы ой-пікірлері айтылады. Үшінші бөлімде өмірінің әдебиетке байланысты көзқарастары, жазған шығармалары, әскери шығармалар, өлеңдері, мақал-мәтелдер, жазған хаттыр, мақалалары мен газетке шыққан мақақалары, әскери естеліктері, саяхаттары, роман, оқиғалар, әңгімелері баяндалады.
Іс-шара барысында Б.Момышұлының өз даусымен түсірілген қысқаша деректі фильм көрсетілді.