ҚР Еңбек және халықты әлеуметтік қорғау министрлігі 2022 жылдың басынан бері Қазақстанға қоныс аударған 7,4 мыңнан астам этникалық қазақ қандас мәртебесіне алғанын хабарлады.
Ведомствоның ақпараты бойынша, этникалық қазақтар негізінен Алматы (31,6%), Маңғыстау (18,3%), Түркістан (9,8%) және Жамбыл (6,3%) облыстарына, сондай-ақ Алматы (5,7%), Нұр-Сұлтан (7,1%) және Шымкент (8,1%) қалаларына қоныстанды.
Жыл басынан бері Қазақстанға келген қандастардың жартысынан көбі (70,2%) Өзбекстаннан, 10,4% – Қытайдан, 7,4% – Түрікменстаннан, 3,2% – Моңғолиядан және 8,8% басқа елдерден қоныс аударған, — деп хабарлайды ҚР Еңбек және халықты әлеуметтік қорғау министрлігі.
Осы жылғы 1 шілдедегі жағдай бойынша еңбекке қабілетті жастағы этникалық қоныс аударушылар саны 62%, еңбекке қабілетті жастан кіші қоныс аударушылар саны 24,1% және зейнеткерлер саны 13,9%.
Еңбекке қабілетті жастағы қандастардың ішінен білім деңгейі бойынша 11,4%-ы жоғары білімді, 40,3%-ы орта кәсіби білімді, 47%-ы жалпы орта білімді және 1,6%-ның білімі жоқ.
Жалпы 1991 жылдан бері республикаға 1 миллион 95,3 мың этникалық қазақ оралды.