Анапа қаласындағы тұрғын үй кешенінде темекі тұқылынан өрт шықты. Объездная көшесінде орналасқан үйде шыққан өртті сөндіруге 10 сағаттан астам уақыт өтті. Қазіргі уақытта билік өкілдері аталған тұрғын үй заңсыз салынды деп отыр, алайда алдын ала бағалау бойынша, ғимаратта құрылыс рұқсатпен басталған.
Өрттің шығуына алтыншы қабатта сөндірілмеген темекі тұқылы себеп болған. Дәл сол жерден өрт тұтана бастаған, содан кейін қызыл жалын желдету жүйесі арқылы ағаш мансарданы шарпыды, онда өрт жайыла бастаған. Санаулы минуттардың ішінде шатыр және бірнеше пәтер отқа оранды.
Краснодар өлкесінің билігі үй салушыға бастапқыда тұрғын үй салу үшін жер телімі берілгеніне қарамастан, көпқабатты тұрғын үй кешені тиісті рұқсат қағазынсыз салынғанын атап өтті. Құрылыс нормаларын сақтамау және өртке қарсы қорғау жүйесінің болмауы осындай ауқымды оқиғаға әкеп соқтырған факторлардың бірі.
13 ақпан күні кешкісін өрт шығып, 1000 шаршы метр аумақты шарпыды. Құтқарушыларға қызыл жалынды сөндіру үшін бар күш-жігерін салды. Нәтижесінде 440 адам қауіпсіз жерге эвакуацияланды, бір адам зардап шекті. ТЖМ қызметкерлері жанып жатқан ғимараттан екі мысықты — Семен мен Веняны алып шықты. Қала тұрғындары эвакуацияланған тұрғындар үшін арнайы жабдықталған үш пунктке уақытша орналастырды.