“Nur Otan”-ның тізімі жаңа Парламенттің кәсіби тұрғыдан өскенін көрсетеді”, – деген пікірмен ҚР Президенті жанындағы Қазақстандық стратегиялық зерттеулер институтының әлеуметтік-саяси зерттеулер бөлімінің басшысы Алуа Жолдыбалина бөлісті.
“Nur Otan” партиясы тізімінің 70% жаңарғанын атап өткен жөн. Яғни жаңа тұлғалар жаңа Парламентте заң шығарушы қызметті жүргізеді.
Екіншіден, жаңа Парламент – қоғамдық-саяси консенсустың нәтижесі. Бұл қоғам тарапынан мүдделердің ескерілуін білдіреді.
Үшіншіден, бекітілген тізімде қоғамдық пікір жетекшілері, Қоғамдық сенім ұлттық кеңесінің мүшелері, қоғам арасында беделді тұлғалар бар. Осының бәрі жаңа Парламенттің кәсіби тұрғыдан өскенін көрсетеді”, – деп түсіндірді Алуа Жолдыбалина.
Естеріңізге сала кетейік, 12 қаңтарда “Nur Otan” партиясы Саяси Кеңесі Бюросының шешімімен “Қазақстан Республикасындағы сайлау туралы” Конституциялық заңның 97-1 бабының 5 тармағына сәйкес құрамында 76 кандидаттан тұратын тізім бекітіліп, VII шақырылымының ҚР Парламенті Мәжілісінің депутаттары ретінде тіркеу үшін Орталық сайлау комиссиясына жіберілді.
