Жасанды интеллекттің (ЖИ) Алматыдағы еңбек нарығына әсері туралы талқылаулар алаңдаушылық тудыруда. «Еңбек ресурстарын дамыту орталығы» АҚ (ЕРДО) сарапшылары автоматтандыру, роботтандыру немесе генеративті жасанды интеллектті (бұдан әрі – ҒЖИ) пайдалану есебінен жұмыс орындарын ауыстыру әлеуеті бойынша зерттеу жүргізді және олардың қазақстандық еңбек нарығына әсерін бағалады.
ЕРДО талдаушылары автоматтандыру, роботтандыру және генеративті жасанды интеллект пайдалану әлеуетін анықтау үшін 3,4 мыңға жуық негізгі функцияларды қамтитын 400-ден астам кәсіп тобы қаралды. Бұл ретте салалық бөліністе ҒЖИ қызметкерлерін алмастырудың ең үлкен әлеуеті кәсіптік, ғылыми және техникалық қызмет аясында, сондай-ақ денсаулық сақтау саласында болжанады.
Өз кезегінде автоматтандырудың, роботтандырудың немесе ҒЖИ-нің отандық еңбек нарығына ықтимал әсерін талдауға сәйкес, ең үлкен автоматтандыруға басшылар мен мемлекеттік қызметшілер (59% дейін), әкімшілік саласындағы қызметшілер (48%), кәсіби мамандар (46%) және техник мамандар (29%) топтарында қол жеткізуге болады. Бұл ретте тікелей ҒЖИ қызметкерінің бір бөлігін немесе барлық функцияларын орындау мүмкіндігі одан да төмен ықтималдық көрсеткіштеріне ие.