Алматыдағы қатты жер сілкінісінен кейін 2024 жылғы 22-23 қаңтарда бір тәулік ішінде жер үйлер мен саяжайларды жалға алуға сұраныс күрт артқаны байқалды. Алайда, бұл нарықтың осы сегментіндегі бағалардың тұрақтылығына әсер еткен жоқ. Krisha.kz сарапшыларының мәліметінше, үйлерді бір тәулікке жалға алуға сұраныстар саны төрт есеге өсті.
Айта кетерлігі, бұл ұзаққа созылмайтын құбылыс. Сұраныстың артқанына қарамастан, нарықта дүрбелең болған жоқ және орташа бағалар барлық категорияда құбылмады.
«Алматыда үйді жалға алудың орташа бағасы — тәулігіне 100 000 теңге», — делінген хабарламада. Сарапшылардың айтуынша, мұндай үйлер негізінен сауық кешін өткізуге, мереке тойлауға арналған. Ондай ғимаратта бар, мангал тұратын орындар, караоке болады. Сол үшін де қымбат.
Қазір ең төмен баға мына шамада:
- 2 бөлмелі саяжай — 10 000 теңге;
- 3 бөлмелі жер үй — 25 000 теңге;
- 4 бөлмелі үй — 35 000 теңге.
Сарапшылар сатылатын үйлерге қатысты жағдай қалыпты екенін айтып отыр, баға да тұрақты. Алматыдағы жер үйдің орташа бағасы 40 млн теңге.
Еске салайық, Алматыда 2024 жылғы 23 қаңтарға қараған түні қатты жер сілкінісі болып, жергілікті тұрғындардың үрейін тудырды.