Алматыда 2023 жылдың басынан бері «Жұмыс орындарын құрудың өңірлік картасы» арқасында 53 мың жаңа жұмыс орны ашылды. Мемлекет басшысының тапсырмасы бойынша іске асырылған бағдарлама жұмыссыз азаматтарды жұмыспен қамтуға бағытталған.
Жалпы құрылған жұмыс орындарының ішінде Ұлттық жобалар аясында 16 мың жұмыс орны, ал шағын және орта бизнес субъектілерінің бастамасымен 38 мың жұмыс орны құрылды. Бұдан басқа, 2023 жылы Еңбек министрлігі жастарға шағын несие беру жобасын іске қосты. Шағын несиелер өз бизнесін кеңейту үшін 21-35 жас аралығындағы жас кәсіпкерлерге беріледі.
Бұдан басқа, жаңа бизнес-идеяларды іске асыруға 400 АЕК-ке дейінгі гранттарды іске асыру жалғастырылды. Олар халықтың әлеуметтік осал топтары қатарындағы адамдарға конкурстық негізде ұсынылады.
Сондай-ақ, Жұмыспен қамтудың тиімді құралы ретінде кәсіпкерлік негіздеріне оқыту өзін көрсетті. 2022 жылы 3 мыңнан астам адам оқыды, оның 936-сы өз бизнесін ашты. Бұл ретте кәсіпкерлік негіздеріне оқыту және кәсіпкерлік бастамалардың business.enbek.kz. Бірыңғай порталы арқылы гранттар беру бойынша бизнес-процестер автоматтандырылды.
Айта кетерлігі, жұмыс берушілер ұсынған бос жұмыс орындарына азаматтар электрондық еңбек биржасы арқылы өз бетінше жұмысқа орналаса алады.