Алматыда сағат 11:22-де болған жер сілкінісі салдарынан мыңнан астам қала тұрғыны халықты қабылдау пункттеріне жүгінді. Қалалық әкімдіктің статистикасы бойынша, сағат 14:00-дегі жағдай бойынша аталған пункттерде 1132 адамға көмек көрсетілді.
Қалада барлығы 384 қабылдау пункті бар, олардың 229-ы мектептерде, 115-і балабақшаларда, қалғандары ЖОО, колледждер мен стадиондарда ашылды. Аудан әкімдіктерінің қызметкерлері жиналу пункттерінде жүр.
Әр қабылдау пунктінде орташа есеппен үш адам эвакуацияланғанын атап өткен жөн. Оларға паналау орны, тамақтандыру және медициналық көмекті көрсетілді.
Ұлттық сейсмикалық орталық қала тұрғындарына сағат 16:00-ге дейін ықтимал афтершоктарға байланысты халықты қабылдау пункттеріне қалуға кеңес берді.