Тілшілер ұсынған мәліметке сәйкес, кеше Алматы қаласындағы екі алаңда рұқсат етілмеген митингілер өтіп, оған бірнеше ондаған адам қатысты. Хабарламада айтылғандай, арнайы жасақ жауынгерлері заңсыз шарадағы бірнеше қатысушыны ұстады.
Шетелге миллиондаған долларды заңсыз алып кеткен бұрынғы банкир ұйымдастырған “Қазақстанның даулы тіркелмеген Демократиялық партиясының” өкілдері көшеге шықты.
Сонымен қатар, митингіге Oyan, Qazaqstan! (“Оян, Қазақстан”) мүшелері қатысты. Шерушілердің ең белсенді қатысушылары өз ұрандарын айтып, сайлауға бойкот жасауға шақырып, алаңға бармақ болды, алайда оларды полиция қызметкерлері қоршап алды.
Шерушілерден тарқауын сұрағанына қарамастан, олар алаңдарда бірнеше сағат жүрді. Олардың даусын қатты шығып тұрған музыка басты.
Бұған дейін осы екі топтың қатысушылары бір-бірімен қақтығысқан болатын, алайда төбелесті полиция қызметкерлері алдын алды. Белсенді шерушілерді ұстап, учаскеге алып кетті.
Жаңа алаңға сайлауға бойкотқа шақыратындарға қарсы белсенділер де келді. СОБР жауынгерлерінің қоршауында отырып, олар бойкот жақтаушыларымен сөзге келіп қалды, өйткені олар қазақстандықтарға дауыс беру қажет деп есептейді.
Ескі алаңға елде тыйым салынған “Қазақстанның демократиялық таңдауы” қозғалысының өкілдері жиналды. Шерушілерге әкімдік өкілдері шықты.
“Сіздердің өткізіп жатқан шерулеріңіз келісілмеген болып табылады. Митинг өткізу үшін әкімдікке хабарлама жолдау қажет. Сіздердің әрекеттеріңіз заңсыз”, – деді мегафонмен қоғамдық даму басқармасының басшысы Асхат Өсербаев.
Ол рұқсат етілмеген митингілерге қатысқаны үшін әкімшілік және қылмыстық жауапкершілік қарастырылғанын атап өтті.
