Алматы қаласы Кәсіпкерлік және инвестициялар басқармасының бастығы қызметін атқаратын Еркебұлан Оразалин елордалық экономикаға инвестициялар 10%-ға артқанын айтты. Инвестициялық ағындардың өсуі елордадағы карантинге қарамастан байқалады.
Е.Оразалиннің айтуынша, пандемия кезеңінде сауда көлемінің төмендеуіне қарамастан, Алматының инвестициялық тартымдылығы салыстырмалы түрде орнықты.
«Жалпы алғанда, өнеркәсіп көрсеткіші бойынша сауда мен қызмет көрсетудің төмендеуіне қарамастан, біз салыстырмалы түрде түрақты жүріп келеміз. 7 айда көрсеткіш 100,9% құрады. Өндірілген өнімнің жалпы сомасы 420 млрд тг. Біз қаланың инвестициялық тартымдылығы қарқынының төмендегенін атап өттік, себебі 8 ай ішінде біз алдын ала 500 млрд теңге жинадық», — деді Е.Оразалин.
Сондай-ақ, ол көрсетілген кезеңде инвестициялар блогы бойынша нақты көлем индексі (НКИ) 110% -ды құрады. Бұл қала инвесторлар үшін әлі де тартымды екенін көрсетеді.
«Инвесторлар мұнда келіп, ақша салады. Бұл алдағы уақытта қосымша қаражатпен қолдау көрсетілетін қала экономикасының күрделі пандемия кезеңінен кейін қайта қалпына келуі үшін өте маңызды», — деп түсіндірді Е.Оразалин.
