Алматыда бір топ адам Telegram арқылы америкалық марихуана сатқаны үшін айыпталды

Алматыда Қаржы мониторингі агенттігінің (ҚМА) департаменті бірнеше Telegram арқылы америкалық марихуананы импорттаумен және сатумен айналысқан бір топ адамға қатысты тергеу амалдарын аяқтады. Еске салайық, қала тұрғыны АҚШ-тан пошта жөнелтілімдерін алу кезінде ұсталған болатын, одан есірткі заттары тәркіленді.

Тексеру іс-шараларын жүргізу кезінде мемлекеттік шекара арқылы аса ірі мөлшерде есірткі заттарын заңсыз өткізумен және Telegram мессенджері арқылы сатумен айналысқан адамдар тобы анықталды. Сондай-ақ, олардан 705 гр. марихуана мен 1266 гр. гашиш есірткі заттары табылып,тәркіленді.

«Сот үкімімен жеті кінәлі адам 3 жылдан 16,5 жылға дейін бас бостандығынан айырылды», — деп хабарлады ҚМА.

Қаржылық мониторинг агенттігі қабылдаған шаралардың нәтижесінде АҚШ-тан ҚР-ға есірткі контраба арнасының және Алматы қаласының аумағында есірткіні тарататын бірнеше Telegram-арналардың қызметі жойылды.

Добавить комментарий