Алматыда Астана күні тойланады. Қалада мерекелік іс-шаралар өтеді.
6 шілдеде Сәбит Мұқанов пен Ғабит Мүсіреповтің әдеби-мемориалдық мұражай кешенінде онлайн-форматта «Астана ажары» көрмесі өтеді. Сондай-ақ, сол күні мультимедиялық дәстүрлі музыка орталығында «Ел тірегі — Елорда» семинары өтеді. Онда Нұр-Сұлтан қаласының тарихы, мәдениеті, дамуы, сондай-ақ ҚР Тұңғыш Президенті – Елбасы Н. Ә. Назарбаевтың өмірі мен жұмысы туралы айтылады.
6 шілде сағат 12:00 және 14:00 офлайн режимде «Ер Төстік» спектаклінің тұсаукесері өтеді. Кешке сағат 18:00-де Qazaq радиосының «Арман әлемі» ертегісі» мерекелік радиоспектаклінің тұсаукесері өтеді.
5-8 шілде аралығында Орталықтандырылған кітапхана жүйесінде Астана күніне орайластырылған көптеген тақырыптық кітап көрмелері ұйымдастырылды.
3 шілде мен 15 тамыз аралығында Қазақ мемлекеттік циркінде аты аңызға айналған қазақ балуаны, цирк әртісі Қажымұқан Мұңайтпасовтың 150 жылдығына арналған «HELLO CIRCUS» жаңа бағдарламасы өтеді.