Шаһар басшысы Ерболат Досаев 2024 жылға 1100-ден астам жаңа автобус пен 100 троллейбус сатып алу жоспарланып отырғанын хабарлады.
Әкімнің айтуынша, биыл қала 1150 экологиялық таза автобустармен толықты, 2024 жылдан бастап жеке тасымалдаушылардың дизельмен жүретін автобустар сатып алуға толығымен тыйым салу жоспарланып отыр.
«Бұл көлік жүйесін жаңартудағы маңызды қадам. Келесі жылы 1100-ден астам жаңа автобус сатып алу жоспарланып отыр, ал жеке тасымалдаушылар енді дизельмен жүретін автобустар сатып ала алмайды. Біз тағы 100 троллейбус сатып аламыз, бұл троллейбустар паркін толығымен жаңартуға мүмкіндік береді. Қоғамдық көліктің жұмысын жақсарту және аралықты қысқарту үшін тағы 800-1000 автобус сатып алу қажет», — деп атап өтті Ерболат Досаев.
Қала әкімі атап өткендей, желтоқсан айынан бастап автобустардың негізгі бөлігі келіп түсті, кейбір бағыттарда қозғалыс аралығы 7-8 минутқа дейін қысқарады. Келер жылдың басынан бастап 23 маршрутта автобустарды ауыстыру және 22 жаңа маршрутта қоғамдық көлікті айтарлықтай жақсарту жоспарланып отыр.