Сәуір айының басынан бастап Алматы облысында көшкін мен тас құлау қаупіне байланысты Есік көлі мен Обсерваторияға баратын автожолдар жабылды. 01-20 сәуір аралығында облыстық маңызы бар «Түрген- Обсерватория» және «Есік — Есік көлі» автожолдарында автокөліктің барлық түрлері үшін қозғалыс жабылды.
«Қазақпарат» ХАА тілшісі хабарлағандай, Алматы облысы әкімдігінің жолаушылар көлігі және автомобиль жолдары басқармасы «Түрген-Обсерватория» 20-41 шақырым және «Есік — Есік көлі» 7-15 шақырым жол учаскелерінде қозғалыстың жабылғанын жариялады.
Алматы облысының ТЖД азаматтардан осы бағытта жол жүруден бас тартуды және өз бағытын алдын ала түзетуді, сондай-ақ 112 қызметі беретін СМС хабарламаларды назардан тыс қалдырмауды сұрайды.