ҚР ТЖМ Алматы облысында су тасқынына қарсы іс-шаралар жүргізіліп жатқанын айтты.
Мамандар Алматы облысы Жамбыл ауданы Қарақастек ауылында Талас өзенінің арнасын механикалық тазарту бойынша жұмыс жүргізеді. Бұл іс-шаралар су тасқыны қаупін азайтуға мүмкіндік береді.
Қарақастек ауылында 700 жеке тұрғын үй бар, онда 4 000-ға жуық адам тұрады.
Өткізілген іс-шаралар барысында Талас өзенінің арнасындағы мұзды ұсақтау, тазарту, кеңейту және түбін тереңдету жұмыстары жүргізіледі. 50-ден астам адам мен 10 бірлік техника жұмылдырылды. Оның құрамында құтқарушылар, жергілікті атқарушы органдардың өкілдері, ТЖМ 28237 әскери бөлімінің әскери қызметшілері бар.
Су тасқынына қарсы іс-шаралар бүкіл Алматы облысында жүргізілетін болады, деп хабарлады ТЖМ.