Бүгін, 2021 жылғы 25 желтоқсанда таңғы сағат 10:00-де Алматы-Хоргос автожолының 134 шақырымында жол апаты орын алып, 17 автокөлік соқтығысты.
Жол апатына қалың тұман себеп болды.
Жол апатынан бес адам зардап шекті, оларды Шелек ауылының өңірлік ауруханасына жеткізді.
Оқиға орнында патрульдік полиция жасақтары жұмыс істеп жатыр.
«ҚазАвтоЖол» ҰК АҚ Алматы облыстық филиалы мен «Қазақавтожол» ЖШС Алматы облыстық филиалының хабарлауынша, 2021 жылғы 25 желтоқсан сағат 12:00-ден бастап күн райының нашарлауына яғни, қалың тұман түсіп, жолдың көрінбеуіне байланысты «Алматы-Қорғас» республикалық маңызы бар автожолы жабылды.
Алматы облысы ТЖД осы бағыттағы сапарлардан бас тартуды сұрайды.