Алматы облысы Панфилов ауданының әкімдігі екі санитарлық бекет орнатылғанын хабарлады. Шенеуніктер мұны коронавирустық инфекцияға шалдыққан адам санының күрт өсуімен түсіндірді.
Соңғы 7 күнде ауданда сырқаттану көрсеткіші өңір бойынша 100 мың тұрғынға шаққанда 45,1 (57 жағдай) құрады.
«Панфилов ауданында күшейтілген шектеу шараларын енгізілсін. Карантин режимі мен мерзімдері COVID-19 коронавирустық инфекциясының таралуы бойынша жағдайдың өзгеруіне сәйкес өзгертілуі мүмкін», — делінген құжат мәтінінде.
Қаулының мәтінінде:
«Панфилов ауданының шекарасында полицейлер, медицина қызметкерлері және жергілікті атқарушы органдар арасынан кіретін және шығатын адамдардан байланыссыз термометрия және сауалнама арқылы деректерді жинау үшін кіру/шығу кезінде санитарлық бекеттерді орнату:
- Іле көпірінің жанындағы Қорғас-Жетіген тас жолындағы бақылау-өткізу пункті
- Жаркент — Сарыөзек тас жолындағы өткізу пункті, Қоңырөлең ауылы
Панфилов ауданының аумағына/аумағынан барлық адамдарға және көліктерге басқа өңірлерден кіруіне/шығуына тыйым салынады, келесі ерекше жағдайларды қоспағанда:
1) Панфилов ауданының басқа облыстардан оралатын тұрғындары;
2) транзитті қоса алғанда, жүктерді тасымалдауға арналған адамдар мен көлік құралдары;
3) адамдар мен жүк көлігі, бірінші кезекте қажетті тауарларды, тамақ өнімдерін, дәрі-дәрмектер мен медициналық бұйымдарды, қорғаныс және гигиена құралдары, жанар-жағармай материалдары, көлік құралдарының қосалқы бөлшектері, өндірістік жабдықтар және т.б. жеткізу бойынша тапсырысты растайтын құжаттары (түбіртек, тапсырыс парағы және т.б.) болған жағдайда;
4) коммуналдық, авариялық қызметтердің (электрмен, газбен, сумен жабдықтау), қоқысты жинау, байланыс және коммуникациялар көліктері мен тұлғалары, сондай-ақ байланыс желілері мен байланыс операторларының, жүктерді тасымалдау жөніндегі ұйымдардың (әуе, теміржол және автокөлік) коммуникациялар желілерін басқару және техникалық қолдау және жұмыс орнынан анықтама болған жағдайда өңірдің тыныс-тіршілігін қамтамасыз етуге қажетті мамандандырылған көлік қызметкерлері мен көліктері», — делінген қаулының мәтінінде
Қаулы 2020 жылғы 24 желтоқсанда сағат 07:00-ден бастап күшіне енеді.