Алматы облысы білім басқармасының бұрынғы басшысы оқушыларды қашықтықтан оқытуға арналған ноутбук сатып алуға байланысты қылмыстық әрекет жасағаны үшін ұзақ мерзімге бас бостандығынан айырылды.
Жетісу облысында өткізілген сот отырысында Алматы облысы білім басқармасының бұрынғы басшысы Майгүл Омароваға, сондай-ақ оның қарамағындағы қатысты үкім шығарды.
Соттың мәліметінше, Майгүл Омарова сыбайлас жемқорлық қылмысын жасағаны үшін кінәлі деп танылды және мемлекеттік сатып алу шарты сомасының 10% көлемінде пара алу мақсатында бір топ адамдармен алдын ала сөз байласып қылмыстық әрекет жасағаны анықталды. Олар үлестес жеке кәсіпкерлермен Алматы облысының оқушыларын қашықтықтан оқытуға арналған ноутбуктер жеткізу туралы шарттар жасасқан. Сонымен қатар, аталған ноутбуктерге лицензияланбаған Microsoft Windows бағдарламасын орнатылды.
Сот мемлекетке 123 миллион теңге көлемінде аса ірі залал келтірілгенін анықтады.
Майгүл Омарова мемлекеттік қызметте лауазымдарды атқаруға өмір бойына тыйым салынып, 10 жылға бас бостандығынан айырылды. Оның үш сыбайласы да 10 жылдан 11 жылға темір торға тоғытылды.
Білім беру саласындағы сыбайлас жемқорлықтарға байланысты осындай қылмыстарға күрестің маңызды екенін және мемлекеттік сатып алулар мен білім беру жүйелерін басқаруда ашықтық пен әдептілікті қамтамасыз ету қажет.