Алматыда төрт қабатты бизнес-орталық әкімшілік ғимараты сүріледі. Алматы қаласы әкімдігінің баспасөз қызметі хабарлағандай, сот шешімі бойынша аталған ғимарат көптеген заңбұзушылықтарға байланысты бұзылуы керек.
Экспериментальная көшесінің солтүстігінде және Қожанов көшесінен шығысында орналасқан бизнес-орталық сараптамадан өтпей заңсыз салынды. Сонымен қатар, ғимарат бекітілген Бас жоспардан ауытқығаны анықталды берді, бұл оны заңсыз деп тануға қосымша негіз болды.
Бұл нысан бойынша талап арыз алғаш рет Бостандық аудандық сотына 2020 жылғы 6 наурызда түскен. Сот шешімімен талап арыз қанағаттандырылды, алайда апелляциялық шағымдар мен істің жаңа мән-жайларына байланысты нысан бойынша сот өндірісі үш жылдан астам уақыт бойы жүрді.
Алайда, 2022 жылдың 27 қаңтарында ғана жер телімін сату мәмілесін жарамсыз деп тану туралы шешім қабылданды, бұл өз кезегінде ғимараттың сүрілу күнін белгілеуге себеп болды. Бірнеше мәрте түсірілген шағымдар мен апелляциялық шағымдардан кейін Жоғарғы сот бизнес-орталықты сүру қажеттігін бекітті.
Жоғарғы сот түпкілікті шешім қабылдаған соң сот орындаушысы сүру күнін белгілеп, көп ұзамай ғимарат сот шешіміне сәйкес бұзылады. Бұл заң мен тәртіп бұзушылық жазасыз қалмайтынын және заңсыз құрылыстар үшін жауапкершілік барын көрсетеді.