Алматы билігі Алматы облысында коменданттық сағаттың өзгеруіне байланысты қала маңындағы маршруттарда қоғамдық көліктердің жұмыс кестесінің ұзартылғанын мәлімдеді.
Хабарланғандай, 14 қаңтардан бастап қала маңындағы маршруттарда қоғамдық көліктер 09:00-20:00 аралығында жүреді, — деп хабарлайды Алматы қалалық мобильдік басқармасы.
Алматы облысында коменданттық сағат уақыты өзгертілді, 12 қаңтардан бастап ол сағат 23:00-де басталып, 07:00-де аяқталады.
Естеріңізге сала кетейік, 8 қаңтарда Алматы облысында террористік қауіптің «қызыл» деңгейі енгізілген. Осыған байланысты 20:00-07:00-ге дейін коменданттық сағат жарияланды.