Қазақстан Кореядан біздің еліміз көптен бері ынтымақтасып келе жатқан ғылыми институттың жетекшісі профессор Джо Гю Юннан гуманитарлық көмек алды.
Халықаралық Интеллект дамыту институтының директоры, Корея Республикасының жергілікті өзін-өзі басқару лауазымды тұлғаларына арналған оқыту бағдарламаларын әзірлеуші, профессор Джо ГЮ Юн Қазақстанға гуманитарлық көмек жолдады. Сыбайлас жемқорлыққа қарсы іс-қимыл агенттігі профессорымен ынтымақтастық соңғы екі жыл бойы жүзеге асырылып келеді.
Джо ГЮ Юн қоғамда парасаттылық қағидатын қалыптастыру бойынша Оңтүстік Кореяның тәжірибесі туралы елімізге бірнеше рет қонақ дәрістермен келген. Оның жарқын әрі есте қаларлық тұсаукесерлері қазақстандықтардың үлкен қызығушылығын тудырды.
Біздің елдеріміз арасындағы достықтың белгісі ретінде профессор коронавирустық инфекцияның таралуымен күресу үшін қазақстандық қоғамға көмек көрсетуге ниет білдірді.
Күрделі кезеңде адамдар бір-біріне көмектесуі тиіс. Кезінде Корея көмекке мұқтаж болған кезде біз оны басқалардан алатынбыз. Енді көмек көрсету кезегіміз келді, – дейді профессор Джо ГЮ Юн.
17 тамызда “Эйр Астана” әуе компаниясының қолдауымен жалпы салмағы шамамен 50 мың АҚШ доллары болатын 1,5 тонна гуманитарлық көмек Алматы әуежайына келді. Келіп түскен 10 қорап антибиотиктер, 50 қорап дезинфекциялау құралдары, 10 мың витамин инъекциясы, 20 мыңнан астам жеке қорғану құралдары (маска, қолғап, қорғаныш костюмдері) “СК-Фармация” ЖШС арқылы медициналық мекемелерге таратылады.
Агенттіктің аумақтық бөлімшелері жұртшылық өкілдерімен бірлесіп соңғы тұтынушыға дейін жүкті алып жүруді қамтамасыз етеді. Гуманитарлық тауарды мақсатсыз пайдалану қаупін болдырмау үшін барлық келіп түскен дәрі-дәрмектер мен бұйымдар “Гуманитарлық көмек – ТЕГІН” арнайы мөртабанымен таңбаланады.
Сыбайлас жемқорлыққа қарсы бақылаудың мұндай транспарентті процесі елге келіп түсетін барлық гуманитарлық көмекті бөлуді жолға қойғанын атап өткен жөн.
Сондай-ақ, Сыбайлас жемқорлыққа қарсы агенттіктің ұсынысы бойынша бірыңғай дистрибьютердің ресми сайтында арнайы бөлімше құрылды, онда кез келген адам елге келіп түскен ізгілік көмек туралы толық ақпаратты көре алады.
