Навальныйдың жақтастары әлеуметтік желіде оның қайтыс болғанын хабарлады. Олардың айтуынша, оппозиционердің анасына тиісті хабарлама жолданған.
Бұл туралы Кира Ярмыш пен Иван Жданов жазды.
«Алексейдің анасына жолданған ресми хабарламада, ол 16 ақпанда жергілікті уақыт бойынша сағат 14:17-де қайтыс болғаны айтылған. Колония қызметкері Навальныйдың денесі Салехардта екенін мәлімдеді», — деп жазды Ярмыш Х. әлеуметтік желісіндегі парақшасында.
Бүгін таңертең оппозициянер Алексей Навальныйдың анасы Людмила Навальная Салехардқа ұшып келіп, ұлы жазасын өтеген Харп ауылындағы № 3 колонияға барғаны белгілі болды.
Алексей Навальныйдың Ямало-Ненец автономиялық округіндегі Харпқа сапары туралы бірінші болып «Азаттық» радиосының журналисі Елена Рыковцеваның берген ақпаратының арқасында белгілі болды.
Associated Press агенттігі жариялаған видеода маска таққан және күннен қорғайтын көзілдірігі бар әйел, болжам бойынша Навальныйдың анасы екі адамның еріп жүруімен колония ғимаратынан шығып бара жатқаны көрінеді.
16 ақпанда Федералдық жазаларды атқару қызметінің Ямало-Ненец округі бойынша бөлімшесі Алексей Навальный колонияда қайтыс болғанын жариялады. Людмила Навальная ұлының қайтыс болғаны туралы хабарланғанға дейін колонияға барғанын мәлімдеді. Анасының айтуынша, саясаткердің жағдайы жақсы болғао, ол денсаулық жағдайына шағымданбаған.
Навальный өлімінің мән-жайы әзірге жарияланбады.