Мемлекет басшысының Жарлығымен Қайрат Құдайбергенұлы Әбдірахманов Қазақстан Республикасының Швеция Корольдігіндегі Төтенше және Өкілетті Елшісі қызметінен, Қазақстан Республикасының Дания Корольдігіндегі Төтенше және Өкілетті Елшісі қызметін қоса атқарудан босатылды
Қайрат Әбдірахманов ЕҚЫҰ-ның азшылық ұлттар істері жөніндегі жоғарғы комиссары болғандықтан, ол ЕҚЫҰ-ға тағайындалғаннан кейін Қазақстанда ешқандай лауазымды атқара алмайды.
«Қайрат Әбдірахмановтың ұсынысын ЕҚЫҰ-ға мүше барлық елдер жылы қабылдады. Бұл Қазақстанға біздің кандидатурамыздың төңірегіндегі ашық байқауда кең қолдау көрсетуге мүмкіндік берді. Қол жеткізілген консенсус Қазақстанның әлемдегі және Ұйымның өзіндегі беделін мойындау, сондай-ақ Президент Қасым-Жомарт Тоқаевтың Қазақстанда жүргізіп жатқан саяси және демократиялық өзгерістеріне жоғары баға беру және қолдау көрсету болып табылады», — деп хабарлады ҚР Сыртқы істер министрі М.Тілеуберди.