Нұр-Сұлтандағы Сығанақ көшесінде орналасқан Абу-Даби Плаза сауда орталығында өрт шықты.
Нұр-Сұлтан төтенше жағдайлар департаменті хабарлағандай, ТЖД өрт сөндіру бөлімшелері оқиға орнына шұғыл жетті.
Өрт туралы хабар сағат 14:57-де өрт сөндіру қызметінің пультіне келіп түсті.
«4 минута келіп жеткен өрт сөндіру бөлімшелері Абу-Даби Плаза ғимаратының бірінші қабатында желдеткіш камерасының жануы орын алғанын анықтаған. Зардап шеккендер мен қаза болғандар жоқ. Өрт сөндірушілердің келіп жеткенге дейін қызметкерлер мен келушілер өз бетінше эвакуацияланған», — деп хабарлады елордалық ТЖД.
Өрт орнында 16 бірлік техника мен ТЖД жеке құрамның 61 адамы жұмыс істеуде. Өрт 15:24 минутта толығымен сөндірілді.
Абу-Даби Плаза Орталық Азиядағы ең биік ғимарат.