Ақтауда құқық қорғау органдарының хабарлауынша, қылмыстық бедел болып табылатын және «Төрт бауыр» қылмыстық тобына қатысы бар ер адам қаза тапты.
Маңғыстау облыстық полиция департаментінен алынған мәліметтеріне сәйкес, 9 қыркүйек күні Ақтаудың бесінші шағын ауданындағы № 21 үйдің жанында жергілікті тұрғындар атылған оқтың дауысын естіген. Куәгерлердің айтуынша, осыдан кейін белгісіз екі адам жараланған жігітті көлікке отырғызып, кетіп қалған.
Оқиға туралы хабарлама Ақтау полициясына қыркүйектің 9 күні сағат 19:55-те келіп түсті. Қылмыс орнына жедел-тергеу тобы барды. Облыстық ауруханадан оларға оқ жарақатымен есін жинамай қайтыс болған ер адам жеткізілгенін хабарлады. Оқиғаның толық мән-жайын полиция хабарламады.
Күдікті ұсталып, уақытша ұстау изоляторына қамалды.
«Бұл факті ҚР Қылмыстық кодексінің (Кісі өлтіру) 99-бабы бойынша Ақтау полициясы басқармасының сотқа дейінгі тергеулердің бірыңғай тізілімінде тіркелген. Сот-медициналық сараптама тағайындалды. Сотқа дейінгі тергеу жұмыстары жүргізілуде», — деп хабарлады полицияда.
