Полиция қарақшылық шабуыл жасады деген күдікпен ер адамды ұстады.
Ақтау полиция басқармасының хабарлауынша, 16 қаңтарда банкке пышақпен кірген ер адамды келушілер ұстауға көмектескен.
Жедел іс-шаралардың қорытындысы бойынша 43 жастағы азамат ұсталды.
«Ақтауда қарақшылық фактісі анықталды. Белгісіз ер адам адам мас күйде қарақшылық шабуыл жасап, келушілер мен банк қызметкерлерін пышақпен қорқытқан», — деп хабарлады полиция.
Күдіктіге қатысты тергеу амалдары жүргізіліп жатыр.