Жәбірленушінің қызы Ақтаудағы он бес жастағы жасөспірімнің жасаған қылмыс туралы сұмдық оқиғасын айтып берді.
«Жүргізуші» әуелі қашып кетті, содан кейін оны құқық қорғау органдарының қызметкерлері ұстады. Оны алып келіп, анасы кешірім сұрады. Менің анам оған көлікті дұрыс жүргізбегені үшін ескерту жасағанын, өйткені аулада өзге де көліктердің көп болғанын айтты. Анамның ескертуіне ашуланған жеткіншек оны көлікпен қағып өтіп, жерге жығып, одан кейін, көлікті артқа қарай жүргізіп, анамды тағы бір рет басып өтіп, алға қарай жылжыған, сосын жерде жатқан анамның үстіне көлікті қойған. Анама сол сәтте жақын маңда жүрген жігіт көмектесіп, жасөспірімді көліктен шығарып, машинаның астынан анамды алып шыққан. Мен мұндай қылмыс жасаған жасөспірімнің әрекетін қалай атауға болатынын білмеймін. Алайда, осы жасөспірімнің жасаған қылмысы әкімшілік құқық бұзушылық ретінде қаралмауы тиіс. Ол тиісті жазасын алуы керек», — деді Майина Ағаларова.
Қыздың айтуынша, полиция оларға автокөлік иесіне қатысты сотқа дейінгі тергеу туралы хабарлаған.
«Көлікті кәмелетке толмаған балаға бергені үшін автокөлік иесіне қылмыстық іс қозғалды. Менің білуімше, ол баланың әкесі емес, ол оның анасымен бірге тұрады. Менің және біздің отбасымыздың мұндай жағдайға көңіліміз толмайды. Жасөспірімге көлік кілтін берген адам жазаға тартылса да, соққан адам да заң бойынша жауап беруі тиіс. Оның анасы оқиға орнына келгенде ұлының ешқандай қауіп төніп тұрған жоқ деп айқайлаған, себебі ол небәрі 15 жаста. Ол кәмелетке толғанға дейін үш жыл бар, осы уақыт ішінде қанша адамды мүгедек етеді?
Көлік иесіне қылмыстық іс қозғалды, ол баланың өгей әкесіне тиесілі.