Ақтөбе облысында коронавирус індеті кезінде 12 медицина қызметкері мен 2 полиция қызметкері коронавирустан қайтыс болды. Бұл туралы облыстық денсаулық сақтау басқармасының басшысы Рүстем Исаев айтты.
“Барлығы 12 медицина қызметкері қайтыс болды, оның ішінде 11 адам пневмонияға және 1 адам коронавирусқа шалдыққан. Пандемия кезінде барлығы 534 медицина қызметкері ауруға шалдыққан, оның ішінде 181 адам – коронавируспен және 353 пневмониямен ауырған”, – дейді бас дәрігер.
Шенеуніктің айтуынша, мемлекет белгілеген төлемдерді ауру жұқтырған 375 медицина қызметкері алды, ал қайтыс болғандардың отбасыларына өтемақы толық төленді.
Полицейлерге келетін болсақ, өткен жылы қызметтік міндеттерін орындау кезінде вирустық инфекциядан екі қызметкер қайтыс болды.
Хромтау АПБ-ның учаскелік полиция инспекторы Айбат Әбиев ағымдағы жылдың 4 шілдесінде коронавирустық пневмониядан қайтыс болды. Қаза тапқан адамның отбасына “Құқық тәртібін қамтамасыз етуге қосқан үлесі үшіі” медалі табыс етілді.
Хромтау АПБ-ның бастығы Мұрат Бекетаев 25 маусымда жұмыс орнынан ауруханаға жатқызылып, “коронавирустық пневмония” диагнозымен стационарда болды. Ал 1 шілдеде ол есіне келмей қайтыс болды. Мемлекет басшысының Жарлығымен полиция полковнигі Мұрат Бекетаев қайтыс болғаннан кейін “Ерлігі үшін” медалімен марапатталды.
