Ақтөбе облысының Әйтеке би ауданында азаматтардың мәселелері “Сервистік әкімдік” жаңа жобасының арқасында жедел әрі тиімді шешілуде.
Шараға облыстың Сыбайлас жемқорлыққа қарсы қызметі басшысының бірінші орынбасары Ғалымбек Досанов, ақпараттық-ағарту штабының мүшелері, “Ақтөбе-Медиа” ЖШС директоры Раукен Отыншин, философия ғылымдарының докторы, профессор, ҚР АШМ академигі Алтай Тайжановтың қатысуымен өтті.
Бүгінгі таңда Ақтөбе қаласын қоса алғанда, барлық аудан әкімдіктерінде сервистік әкімдіктерді іске қосу жұмыстары толығымен аяқталды. Сонымен қатар, электрондық мемлекеттік қызметтерді алу бойынша “Өзіне-өзі қызмет көрсету бұрышы” – “Connection point” ауылдық округтерінің 135 әкімдігінің 128-інде ашылғанын атап өткен жөн.
Аудан әкімдігінен бөлек ғимаратта ТКШ, сәулет, жолаушылар көлігі, құрылыс, жұмыспен қамту және әлеуметтік бағдарламалар, ауыл шаруашылығы, ветеринария, білім беру салаларының жергілікті атқарушы органдарының мамандары шоғырландырылды. Толық ыңғайлы болу үшін сервистік әкімдікте ХҚКО жұмысы ұйымдастырылды. Азаматтар түрлі мәселелер бойынша консультациялар алу үшін жүгіне алады, бұл ретте мемлекеттік қызметтерді бір жерден ала алады. Ыңғайлы күту орындары, электронды кезек, балаларға арналған ойын алаңы, өзіне-өзі қызмет көрсету бұрыштары Әйтеке би ауданының әкімдігінде бар.
“Сервистік әкімдік” форматы мемлекеттік қызметтерді алу кезіндегі жайлылық пен қолайлылықтан басқа, лауазымды тұлғалар қызметінің ашықтығын қамтамасыз етеді, сондай-ақ аз шығындарды талап етеді, бұл ретте пайдалы алаңның үлкен коэффициенті есебінен классикалық әкімдіктердің сыйымдылығы болып табылады. “Агенттік мемлекеттік органдардың қолжетімділігі мен ашықтығын қамтамасыз етуге, бизнес-процестерді оңтайландыруға және мемлекеттік қызметтерді цифрландыруға ерекше көңіл бөледі. Қолжетімділік пен ашықтық жоқ жерде сыбайлас жемқорлық көріністері әрқашан орын алады. Мемлекет басшысы билік пен қоғамның үнемі диалогы арқылы ғана қазіргі заманғы геосаясат контекстіне енгізілген үйлесімді мемлекет құруға болатынын айқын айтты. Азаматтардың барлық сындарлы сұраныстарына жедел әрі тиімді ден қоятын “Тыңдаушы мемлекет” тұжырымдамасын іске асыру біздің ортақ міндетіміз болып табылады. Әйтеке би ауданының “Сервистік әкімдігі” жергілікті халыққа тиімді қызмет етеді деп үміттенеміз “, – деп атап өтті облыстық Сыбайлас жемқорлыққа қарсы қызмет басшысының бірінші орынбасары Ғалымбек Досанов. Сонымен қатар, Ғалымбек Досанов ақпараттық-ағарту штабының мүшелерімен бірлесіп, сыбайлас жемқорлыққа қарсы іс-қимылдың өзекті мәселелері, агенттіктің заңнамалық бастамалары бойынша жергілікті мемлекеттік қызметкерлермен әңгімелесіп, департаменттің жартыжылдық жұмысының қорытындыларымен бөлісті. Сондай-ақ, Мемлекет басшысының 19 тамызда өткен сыбайлас жемқорлыққа қарсы іс-қимыл жөніндегі кеңес аясындағы тапсырмалары талқыланды. Жұмыс сапарының қорытындысы бойынша облыстық делегация Қарабұтақ ауылдық округінің әлеуметтік нысандарын аралап, тұрғындар үшін жасалған қолайлы жағдайлармен танысты. Естеріңізге сала кетейік, 2019 жылдың 2 қыркүйегінде Мемлекет басшысы Қасым-Жомарт Тоқаев Қазақстан халқына «Конструктивті қоғамдық диалог – Қазақстандағы тұрақтылық пен өркендеудің негізі» атты жолдауын жолдап, онда бәріне тез және тиімді жауап беретін «Тыңдаушы мемлекет»тұжырымдамасын іске асыру міндетін қойды.
