Ақсу ферроқорытпа зауытында өрт кезінде температураның жоғары болуынан төбенің жабыны құлады.
Өрт сөндірушілер Ақсу ферроқорытпа зауытындағы алапат өртті сөндірді, деп хабарлайды ТЖМ баспасөз қызметі. Өрттің жалпы ауданы 200 шаршы метрді құрады, ал оқиға орнында 53 ТЖД қызметкері мен 13 техника бірлігі жұмыс істеді.
«Өрт сөндірушілердің батылдығы мен күш-жігерінің арқасында өрт сағат 20:52-де оқшауланып, сағат 22:40-та толығымен сөндірілді», — деп хабарлады ТЖМ өкілдері.
Алайда, өрт кезінде температураның жоғары болуынан төбенің жабыны құлады. Оқиға салдарынан биіктен құлаған бір өрт сөндіруші жарақат алды. Зардап шеккен 30 жастағы павлодарлық өрт сөндіруші ауыр жарақат алды.
Бұған дейін хабарланғандай, өрт сағат 16: 00-де Ақсу ферроқорытпа зауытының № 4 балқыту цехында басталды, онда № 41 пеш трансформаторы өртенді.