Пентагон өкілі АҚШ Украинаға көмек көрсетуді жалғастырады деп мәлімдеді. Мемлекеттің ресми тұлғаларының пікірінше, РФ-ның ел аумағындағы әрекеттері Еуропадағы қауіпсіздік саласындағы ахуалды өзгертті.
Бұл туралы Пентагонның баспасөз хатшысы Джон Кирби дүйсенбі күні журналистерге арналған тұрақты брифингте хабарлады.
«Біз бұрынғысынша Еуропада қауіпсіздік саласындағы ахуал өзгерді деп есептейміз және [РФ президенті Владимир] Путин мырзаның көршілес мемлекетке басып кіруге деген құлшынысы басылғанға дейін ахуал өзгеретін болады. Біз Украинаға өзін қорғау үшін қауіпсіздікті қамтамасыз ету саласында көмек көрсетуді жалғастырамыз», — деді баспасөз хатшысы.
«Осыған байланысты біз Пентагонда одақтастармен және серіктестермен бұл өзгерістердің біздің [әскери] доктринамызға болашақта не алып келетінін талқылауды жалғастырмақпыз», — деп қосты Кирби.
