АҚШ бір апта ішінде Украинаға орта және ұзақ қашықтықтағы зымыранға қарсы қорғаныс жүйесін жеткізуді жоспарлап отырғанын мәлімдеді.
Бұл туралы CNN телеарнасы америкалық әкімшіліктегі дереккөзге сілтеме жасап хабарлады.
Еурокомиссия басшысы Урсула фон дер Ляйен Ресей президенті Владимир Путин қатысқан жағдайда «Үлкен жиырмалық» саммитіне бойкот жариялау идеясын қолдамайтынын мәлімдеді.
АҚШ пен бірқатар Батыс елдері қараша айында Индонезияның Бали аралында өтетін «үлкен жиырмалықтың» саммитіне Ресейді қатыстырмау үшін биыл G20-ға төрағалық ететін Индонезияға қысым көрсетіп жатыр. Ресми Джакарта Ресейдің шақырту жіберілгенін, енді қайтарып алмайтынын — G20 саммиті экономикалық мәселелерді қарастырып, оның күн тәртібіне саясат әсер етпейтінін айтты.
Ресей Қорғаныс министрі Сергей Шойгу Украинадағы арнайы операцияға жұмылдырылған әскерлер тобын тексерді. Қара теңіздегі Змейный аралына украиналықтардың кезекті соққысы жасалды. Ресейлік авиация мен артиллерия бір тәулік ішінде жаудың 720-дан астам сарбазы мен офицерін жер жастандырды, деп хабарлады Қорғаныс министрлігі.