АҚШ билігі Украинаға 60 бірлік Bradley жаяу әскердің жауынгерлік машинасын жібергенін мәлімдеді.
Бұл туралы АҚШ Қарулы күштерінің Көлік қолбасшылығы (TRANSCOM) хабарлады.
«60-тан астам Bradley жаяу әскердің жауынгерлік машинасы өткен аптада Норт-Чарльстоннан, Оңтүстік Каролина штатынан шықты, бұл Украина күштеріне қосымша шабуыл жасауға және қорғануға мүмкіндік береді», — делінген хабарламада.
Бұл ретте АҚШ ҚК Көлік қолбасшылығы Bradley жаяу әскерінің әскери машинасы алғашқы партиясын қаңтар айында жарияланған $2,85 млрд болатын әскери көмек пакеті аясында Украинаға жеткізетіні көрсетілген.
Bradley экипажы үш адамнан тұрады, десанттық бөлімшеде алты жаяу әскерді тасымалдай алады. Bradley 1981 жылы АҚШ армиясында қызметке қабылданды, барлығы 9753 дана түрлі нұсқалар шығарылды. Оларды АҚШ әскерлері Парсы шығанағы, Ираr және Ауғанстандағы соғыстарда қолданған.
2022 жылдың ақпанынан бастап АҚШ-тың Украинаға көрсеткен әскери көмегінің жалпы сомасы $27,1 млрд болды.