АҚШ қорғаныс министрлігі басшысының пікірінше, Бахмуттың басып алынуы Ресейдің соғыс барысын өзгерткенін білдірмейді.
АҚШ қорғаныс министрі Ллойд Остин дүйсенбі күні Бахмут қаласының басып алынуы Мәскеудің әскери күш-жігерін қайта жандандырғанын білдірмейтінін мәлімдеді.
Бұл туралы ол Иорданияға сапары кезінде айтты, деп хабарлайды Reuters басылымы.
«Менің ойымша, бұл стратегиялық және операциялық емес, символдық мәнге ие», — деді Остин журналистерге және ресейлік әскерлер Бахмутты жаулап алатынына немесе қашан басып алатынына болжам жасамайтынын айтты.
«Бахмуттың басып алынуы ресейліктердің соғыстың барысын өзгерткенін білдірмейді», — деді Остин.
Еске салайық, Аустрия Қарулы Күштерінің генерал-майоры Бруно Гофбауэр Бахмут қаласы жақын арада басып алынбайтынын айтқан.
Британ барлау қызметі 4 наурызда Донбастағы Бахмут қаласында украиналықтарға қатты шабуыл жасалып жатқанын, қала мен оның маңында кескілескен шайқастар жүріп жатқанын хабарлады.