АҚШ Мәскеуге тұтқынға түскен америкалық әскери қызметшілерді ресейлік Виктор Бутқа айырбастауды ұсынды.
Бут АҚШ-тың Бритни Грайнер мен Пол Уилан есімді азаматтарының орнына РФ-ға қайтару ұсынылды.
Ақ үйдің баспасөз хатшысы Карин Жан-Пьер: «Біз Бритни Грайнер мен Пол Уиланды үйлеріне қайтарғымыз келеді. Олар заңсыз ұсталды, біз оны анық түсіндірдік. Біз Ресейге нақты ұсыныс жасадық, ашық келіссөздер жүргізгіміз келеді. Бізге олардан қарымта ұсыныс келіп түсті, оны қабылдамадық», — деп мәлімдеді ол брифингте.
Бұған дейін АҚШ Ұлттық қауіпсіздік кеңесінің өкілі Джон Кирби Ресей америкалықтар ұсынған бастаманы «пысқырмады» деп мәлімдеген болатын.
27 шілдеде CNN жағдайдан хабардар дереккөздерге сілтеме жасап, АҚШ президенті Джо Байден оның әкімшілігі қызметкерлерінің АҚШ-та түрмеде отырған Бутты РФ-да тұтқынға түскен Грайнер мен Уиланға айырбастау туралы идеясын мақұлдағанын хабарлады.
РФ президентінің баспасөз хатшысы Дмитрий Песков өз кезегінде РФ мен АҚШ арасында Бутты Уилан мен Грайнерге айырбастау туралы келісім болмады деп мәлімдеді.
Өткен аптада АҚШ мемлекеттік хатшысы Энтони Блинкен АҚШ Мәскеуге Грайнер мен Уиланды босату туралы «нақты ұсыныс» жасағанын жариялады, алайда егжей-тегжейлі ақпарат бермеді. 29 шілдеде ол сотталғандардың тағдырын РФ СІМ басшысы Сергей Лавровпен телефон арқылы талқылады.
«Мен Кремльді Пол Уилан мен Бриттни Грайнерді босату туралы ұсынысымызды қабылдауға шақырдым», — деді ол. Бұл ретте Блинкен Лавровтың жауабына жария түрде баға бермейтінін мәлімдеді.