АҚШ пен оның одақтастары Беларуське қарсы қосымша санкциялар енгізу мүмкіндігін қызу талқылауда.
Бұл туралы Мемлекеттік департаменттің баспасөз қызметі сейсенбі күні таратқан АҚШ мемлекеттік хатшысы Майкл Помпеоның мәлімдемесінде айтылған.
«Америка Құрама Штаттары біздің серіктестерімізбен және одақтастарымызбен үйлестіре отырып, Белоруссиядағы адам құқықтары мен қуғын-сүргінге қатысы барларды жауапкершілікке тарту үшін қосымша атаулы санкцияларды қарастыруда», — делінген мәлімдемеде.
Мемлекеттік департаментте сондай-ақ Минскіні «өз халқына қатысты зорлық-зомбылықты тоқтатуға, АҚШ азаматы Виталий Шкляровты қоса алғанда, барлық әділетсіз ұсталғандарды босатуға және беларусь қоғамының шынайы өкілдерімен сындарлы диалогты бастауға» шақырды.
АҚШ сыртқы саяси ведомствосы Беларусь оппозициясының Үйлестіру кеңесі төралқасының мүшесі Мария Колесникова мен кеңес мүшелері Антон Родненков пен Иван Кравцовтың «шетелге, Украинаға мәжбүрлеп шығарып жіберу әрекеттері» туралы хабарына алаңдаушылық білдірді. «Біз беларусь билігіне Колесникова ханымның және әділетсіз ұсталғандардың қауіпсіздігін қамтамасыз ету үшін олардың жауапкершілігін еске саламыз», — делінген мәлімдемеде.
Минск оппозиционерлері қала көшелерінде «бейбіт» акцияларға дайындалып жатыр.