АҚШ Конгрессінің Өкілдер палатасы Украинаға 300 миллион доллар бөлуге жақтап дауыс берді. Бұл қаражат АҚШ-тың қорғаныс бюджеті жобасынан алынып тасталып, жеке қаралды.
Екі жоба да мақұлданғанымен, демократтар Украинаға жеке заң жобасымен көмек көрсетілууіне байланысты ресейлік пропаганда Америка Украинаны қолдаудан бас тартты деп жариялауы мүмкін деп алаңдаушылық танытуда. Өкілдер палатасының Қарулы күштер мәселелері жөніндегі комитетінің мүшесі Адам Смит «ресейліктер пропаганданы жақсы қолданатынын» және бұл Украина бойынша міндеттемелерден бас тартқандай болып көрінуі мүмкін екенін атап өтті.
АҚШ Сенаты қысқа мерзімде бюджеттік қарардың баламалы жобасын әзірледі, ол Украинаға көмек көрсетуге, соның ішінде қорғаныс шығындары мен экономикалық қолдауға $6,1 млрд-тан астам қаражат бөлуді қарастырады. Алайда Өкілдер палатасының спикері Кевин Маккарти бұл бюджеттік ұсынысқа қолдау көрсетілетініне күмән келтірді.