АҚШ Мемлекеттік департаменті Иранға ядролық қаруды қолданудың алдын алу аясында әскери әрекеттерді жоққа шығармайтынын мәлімдеді.
Бұл туралы АҚШ Мемлекеттік хатшысы Энтони Блинкен мәлімдеді.
Атап айтқанда, ол АҚШ үкіметі мемлекеттің ядролық қаруды сатып алуын болдырмау үшін Иранға қарсы соғыс қимылдарын жоққа шығармайтынын атап өтті. Бұл туралы ол Al-Arabija-ға Таяу Шығысқа сапары барысында айтты, деп хабарлайды Welt.
Осылайша Блинкен АҚШ-тың ықтимал шаралары әскери нұсқаны қамтиды ма деген сұраққа жауап берді.
«Барлық нұсқалар қарастырылады», — деп атап өтті Блинкен.
Сонымен қатар, ол «дипломатияға» көңіл бөлінетінін мәлімдеді. Мемлекеттік департамент басшысы Иран билігі халықаралық ядролық мәмілеге қайта оралу мүмкіндігі болғанын, бірақ олар одан бас тартқанын айтты.
Бұған дейін, 2022 жылдың жазында АҚШ президенті Джо Байден Иранға соққы беру мүмкігдігін жоққа шығармаған еді.
29 қаңтарға қараған түні Иранның стратегиялық нысандарында дрондармен шабуылмен жасалып, жарылыстар болған, деп хабарлады Қорғаныс министрлігі. IRNA мемлекеттік ақпарат агенттігі Исфахан мегаполисіне жақын маңдағы оқ-дәрі шығаратын зауытқа соққы жасалғанын мәлімдеді.
The Wall Street Journal хабарлауынша, шабуылдың артында Израиль тұр.