АҚШ Ресейдің Украина аумағында гипердыбыстық зымыранды қолданудың әрбір жағдайын мұқият қадағалап отырғанын айтты.
АҚШ Қорғаныс министрлігі Ресейдің Украинада гипердыбыстық қаруды қолданудың әрбір жағдайын талдайды, себебі ол жағдайды түбегейлі өзгертетін фактор емес деп есептейді. Бұл туралы сәрсенбі күні АҚШ Қарулы Күштері Штабтар бастықтары комитетінің төрағасы генерал Марк Милли хабарлады.
«Ресей бірнеше гипердыбыстық зымыранды қолданды. Гипердыбыстық зымыранның ерекше факторы — ол ұшу жылдамдығы болып табылатыны анық. Біз олар қолданған зымыранның әрқайсысына талдау жасадық, мен жабық сессияда [осы зымырандардың] кез келген нақты егжей-тегжейін талқылағым келеді», — деп атап өтті генерал АҚШ Конгрессінің Өкілдер палатасының қаржы бөлу жөніндегі комитетінде өткен тыңдауда.
Ол Пентагонның Украинада гипердыбыстық қару қолдану Ресей үшін жағдайды түбегейлі өзгертпейтініне қатысты ұстанымын қайталады. Ол әңгіме әлемдегі «ұрыс қимылдары жағдайында гипердыбыстық қаруды қолданудың алғашқы жағдайы» туралы болып отырғанын айтты.
Тыңдауда сөз сөйлеген АҚШ Қорғаныс министрі Ллойд Остин генералмен келісті. «Ресей гипердыбыстық зымыранды осы қақтығыста бірнеше рет қолданды. Қайталап айтамын, қазіргі таңда бұл жағдайды түбегейлі өзгертпейді», — деп толықтырды Пентагон бастығы.
